كيف حال أعضاء وأفراد أحلى منتدى

لسلام عليكم ورحمة الله وبركاته
كيف حال أعضاء وأفراد أحلى منتدى




سوف أبدأ بالشرح ولكن للأسف الشرح لايتضمن الصور لاني صراحة وبدون كذب ماأعرف كيف أسوي الصور وأنزلها بالمتندى
بس انشالله أول ماأيجي أحد يقوللي كيف أحط الصور في المنتدى راايح أحطها

اكيد فيه كثير يعرف يفرمت جهازه بس الي ما يعرف انشالله بيقدر وسلامتكم اجمعين وبالتوفيق



كيف تفرمت جهازك


كلنا يعرف الفرمته وشي ونخاف طبعا من هالكلمه لأن هالكلمه معناها انك تاخذ جهازك وتروح فيه المحل يفرمته ومن هالعذاب واسبابها برنامج يعدم لك الجهاز ولا هكرز داخل جهازك و متعبث فيه

يعني بملفات النظام ولا واحد مسوي حريف ومتعبث بالوندوز ولا الريجستري المهم وش فايده انك تتعلم تفرمت جهازك من دون مهندس؟؟؟؟؟؟؟؟

انت اذا تعلمت شلون تفرمت جهازك خلاص انسى شي اسمه مهندس والفرمته بسيطه جدا اصعب ما فيها اسمها بس

وانا هنا بعلمك كيف تفرمت جهازك وتنزل الوندوز وتعرف الكروت الي هي كرت الصوت والموديوم وغيرها

ولعلمك ترى اي مشكله تصير بجهازك وتروح فيه المهندس تراه ما يسوي لك اختراع ولا شي اول شي يسويه يشغله

واذاما اشتغل على طول يعمل له فورمات وينزل الوندوز وبس وتعال استلم جهازك


ما نطول اول شي يبي لك بعض التحضيرات يبي لك اول شي سي دي وندوز وهذى سهله عندنا تا خذه كوبي 15ريال ولا يهمك

الي يقول لك لازم سي دي وندوز الاصلي لئن الكوبي ناقصه ملفا ته ومن هالكلام ويبي لك التعريفات

هذى طبعا تكون موجوده معك اصلا لئنك اول ما تشتري الجها ز يعطونك معه تعريف الصوت وتعريف الموديوم

يعني يبي لك تخلي بالك معي شوي وانشاء الله را ح اخليك تطلع مهندس اد الدنيا تفرمت جهاز

وللأسف مرة اخرى الشرح ليس بالصور لأني صراحة ماأعرف كيف أنزل الصور في الشرح

يالله خلونا نبدى


اول شي لازم نسوي دسك بداية التشغيل وهذي سهله

تروح لئبدا بعدها اعدادات وبعدها تروح للوحة التحكم وبعد كذى تضغط على اضافة وازالة برا مج راح يطلع لك



قبل تضغط على انشاء قرص تحط سي دي الوندوز بمحرك الاقراص الصلبه الي هو السي المدور

وبعد كذا تضغط على انشاء قرص

بعد كذى راح تجيك نافذه

نسخ الملفات من تمسح الي راح يكون مكتوب فيه وتكتب حرف محرك الاقراص الي بجهازك وبعده وندوزورقم اصدارتها

مثلا انا بجهازي اسم محرك الاقراص دي وبعض الاجهزه يكون اف واحيانا اي المهم الكتابه تكون بهالطريقه

D:win98

طبعا الوندوز هنا

98

يعني تكتب وين ورقم اصدارة الوندوز

وبعد كذا تضغط موافق ولا انتر راح تجيك النافذه الي بعدها وراح يطلب منك انك تدخل القرص الي هو الفلوبي ديسك المربع
الصغير



تدخل الديسك وتضغط موافق وراح يحمل الملفات الي نحتاجها

وبكذا سوينا قرص بداية التشغيل



الخطوات

اول شي تحط الدسك بالجهاز الي رايح فيها وتبي تفرمته وتسوي له ريست الي هي اعاده تشغيل بعد ما يسوي اعادة تشغيل
را ح تطلع لك شاشه سودا وفيها ثلاث اختيارات




بعد كذا تجيك كتابات وخرابيط اصبر شوي لين يوقف على وضع الاستعداد



تكتب هنا فورمات مثل هاالكلمة مكتوبه

format

بعده مسا فه وبعدها

C:

ولاتنسا المسافه لئنها مهمه وبعدها انتر وراح يطلع لك خرابيط الزبده منها انه يسألك انت مصمم على الفرمته
يعني رساله تأكيديه انت تكتب

Y

يعني تختار موافق لاتخاف وبعدها انتر





بعد كذا يبدا يسوي تهيئه للقرص يعني يفرمته احيانا يجيك يطلب منك تكتب عنوان للقرص انت عاد تبي تكتب
اي شي اكتب ولا اضغط انتر بس

وخلاص بكذا عرفنا كيف نفرمت الجهاز وهذا كل القصه يعني اسهل من كذا مافي بعد كذا ننزل الوندوز

الي هي الخطوه الاخيره

فيه طريقه مختصره وسهله مره الي هي الي استخدمها انا تكتب الامر هذا

A :>lh-D :win98locsetup.exe

هذا اذا تبي الوندوز عربي واذا تبيه انجليزي تكتب هالامر

A :>lh-D :win98enasetup.exe

وبعد كذا انتر

الشرطه الحمرا معناتها مسا فه

فيه ملاحظه مهمه الدي بهالامر هي اسم محرك الاقراص الصلبه بجهازي يعني تحط
مكان الدي اسم محرك الاقراص بجهازك

D بجهازي

F واحيانا يكون اسمه

E واحيانا يكون اسمه

انت عاد الله لايهينك روح وافتح جهاز الكمبيوتر الي موجود بسطح المكتب
وراح تشوف محرك الاقراص هناك شوف وش اسمه واكتبه

بعد كذا تجيك شاشه زرقا يشوف فيه اي اخطا



بعد ما تجيك صورة تضغط على مفتاح

Esc

الي بالكيبورد يجيك بالزاويه الي على اليسار فوق

بعد كذا تجيك عمليه التثبيت وهنا تختلف ترتيب هالصور من كل نوع بالوندوز بس المهم انها تقريبا زي بعض

يعني مثلا تجيك يطلب منك السيريل الي هو رقم التسلسلي الوندوز في بعض السيديات اول شي وبعض السيديات

يجيك يطلب منك الرقم اخر شي المهم انت قبل ما تدخل السي دي بالجهاز تحصل رقم التسجيل

مكتوب على نفس السي دي تكتبه بورقه عشان اذا طلبه منك تكتبه



وهالصوره كشكل عام ممكن تجي بألاول ولا بعدين بس اهم شي نعرف شكلها

بعد كذا بتجيك كل شوي صورة وانت تضغط نكست يعني بيكون يختار لك هو الافتراضي

يعني الاشياء المهمه راح تكون مثلا لما يجيك يطلب منك اعداد قرص بدء التشغيل
انت هنا تختار كنسل بدل موافق


وتجيك نا فذه فيها تكتب اسمك ومعلوماتك يستحسن انك ما تكتب اسمك الحقيقي

يعني تكتب اي اسم هذا عشان ااذا ما حبيت احد يعرف اسمك يعني بعض المواقع يطلع عندها اسمك
ولا اذا طب واحد بجها زك


بس كذا تقريبا اهم الاشياء وبعد كذا يجلس يكمل تنزيل الوندوز وانت عاد تا بع معه

وراح يطلب منك اعاده تشغيل الجهاز وتجيك الصفحه الترحيبيه بالوندوز وخلاص كذا انتهينا



الحين باقي شي بسيط الي هو تعريف الصوت والموديوم الشاشه طبعا يتعرف عليها الجهاز على طول

الطريقه وحده بالتعرفين نبدا بالموديوم تروح لسطح المكتب لجهاز الكمبيوتر وتضغط عليه باليمين وتختار

خصائص وراح تطلع لك نا فذه

اللحين سهله ما يحتا ج وبعدين انتهت الافلام الي معي المهم تجيك نا فذه تختار منها

ادارة الاجهزة وتروح تحت شوي راح تحصل الموديوم وجنبه زائد اضغط
على الزائد راح يجيك تحته اسم مو ديوم مدري وينه ملفقه منه الوندوز
احذف هالاسم وراح تحصل فيه علامه تعجب صفرا عند الموديوم معناته انه مو متعرف وراح تحصل
بعد عند الصوت المهم لما تحذف اسم الموديوم الي مكتوب تسوي ريست للجهاز اعا دة تشغيل

وراح لما يشتغل تجيك نا فذه تقول لك وندوز حصل له جهاز غير مثبت انت اول شي تسويه تحط سيدي التعريف

وتضغط نكست وراح يسالك اذا بتحدد مكان المشغل بنفسك ولا تترك وندوز يحدده انت اختر تحدده بنفسك لئنه مراح
يحصله اعرفه

لما تختار تحدده بنفسك حدد طبعا محرك الاقراص عشان نشغل السي دي التعريف واذا فتح وطلعت لك المجلدات
ابحث عن مجلد اسمه موترولا واضغطه وبعدها انتر وبكذا يبدا هو يحمل الملفات ويسوي لك ريست
وبكذا عرفنا الموديوم والصوت نفس الحكايه بس طبعا بسي دي تعريف الصوت راح تحصل المجلد الي بتختاره
تحت مجلد عادتا يكون اسمه

pcisound

وعاد هنا المشكله لئن كروت الصوت تختلف مو سوا بس انت عاد جرب على كل مجلد لما تفتح المجلد الفرعي اختر وين98

win98

وبعدها اوكي وبعدها نكست اذا هو راح يكتب لك انه هو اذا مو هو راح يقولك مو هو انت عاد سو

باك الخلف وجرب مجلد ثاني لين تجيبه

والباقي نفس طريقة تعريف الموديوم راح يعيد التشغيل ورا ح يشتغل معاك وبكذا خلصنا ولله الحمد



أرجو أن تكونوا فهمتوا الطريقة وما أكون قد صعبت الهرجة عليكم
وأعتذر مرة اخرى عن عدم ادراج الصور في الشرح لعدم معرفتي
تحيـــــــــــــــــــــــــــــــــــــــــــــــ ــــــــــــاتي
اخوكم Admin